شلونكم وشخباركم ....
موضوعي هالمره منوع فيه اكثر من شي اتمنى انه يرضيكم وتحبونه ... :D:L:
يلا نبتدي بسم الله ... ( مجموعه من جنيد )
أول شي راح اتكلم عن هالدهن العود من جنيد واسمه دهن عود بورمي يهبل بناااات انصحكم فيه وريحته ما شاء الله اتم وتفوووح ومو من النوع الي يصدع الراس بالعكس خفيف وبنفس الوقت ثابت ....
هالعطر الي فيه ورده اسمه زهى ناااااااعم وريحته انثويه يهبل ويصلح للصيف وتتطلع ريحته اكثر مع البخور ....
والي يمه دهن عود كحلاء حلووو ويعجبني حق شعري احطه لين اتسبح ريحته ثابته واتم واحط ورى اذني وما شاء الله ريحته ثابته
هالعطر من اجمل اسمه ريكا وبالضبط ريحته تشبه عطر كلوي بو ورده بيج انصدمت يوم شميته الصراحه كوبي وبيست حق عطر كلوي ودايركت خذته وانصحكم فيه وايي 60 ملي وسعره ارخص من كلوووي بوايد سعره ب 10 دينار ونص تقريبا وانا يعجبني كلوي اذا اكون متبخره بعود مبخرمن اجمل وارش من العطر يصير احلى بوايد بس بدون بخور احسه مو ستايلي مدري ليش بس اهو الصراحه حلووو ريحته نظافه ....
العطر الاول من بدي شوب بريحة الفاينلا غرااااامي هالعطر اموت عليه ومن يخلص اروح اشتريه لين تمشين تحسين روحج كيكة وانا استخدمه دايركت لين اطلع من الشور ... والي يمه عطر المكان من مركز الملكي للعطور ريحته مايله للياسمين يصلح للأستعمال اليومي ...
الي تبي تهدي زوجها او اخوها او ابوها انصحها بهالعطر اسمه بلو اينرجي من ماركس سبنسر وسعره مناسب ورخيص بس ب 7 دينار ونص انا شاريته حق اخوي هديه بس عجيييب يصلح للصيف ريحته نظافه وفرش وحلوووو ...
اخر شي بختمها بالديودرنت .... :oF:
اول واحد من ماركس سبنسر اسمه روز وريحته ماي ورد هاديء وحلووو وانا حاليا استخدمه بس عيبه يلعوز فالافضل عقب لبس الثياب نحط منه شوي وينشف بس ريحته تعجبني ...
الثاني شريته من زهور الريف كان عندي العطر تبعه فحبيت اشتري ذي بعد نفس ريحة العطر بس على اخف حلوووو ريحته بسكويت على فانيلا وااايد احب العطر تبعه انا ....
ان شاء الله حبيتووو موضوعي واذا عجبكم قيموني فديتكم واكون لكم شاكره ..... :adore::L:
F:بحفظ الرحمنF:
![]("http://go.3roos.com/dwDlqNKsCTl4/2010/05/13/01/573382129.jpg")
